Chapter 17 -Ang palaro ni Maguz-

┈┈┈┈◦•✩•◦┈┈┈┈

Naroon na sa kanilang mga silya sina Hugo at Owen, habang ang kanilang team ay abala sa paghahanda. Samantala, sina Marcus at Maguz ay kumuha ng tig-isang card mula sa bowl at saka nila idinikit sa noo nina Hugo at Owen, na parehong clueless kung ano ang nakasulat sa card na huhulaan nila, pero makikita sa mukha ng mga ito ang matinding excitement.

Sa team ni Maguz, si Owen ang manghuhula, at ang kailangang niyang hulaan ay 'babaeng naglilinis ng ilong.' Nang makita ito nina Maguz at ng iba nilang ka-team, halos hindi nila mapigilan ang pagtawa. Nagtatanong ang kanilang mga mata kung sino ang mag-a-acting. Pero tumayo si Lyka at tumingin kay Owen, bahagyang hinagod ang hubog ng kanyang katawan, saka siya ngumiti sa binata. Nagsisipulan naman ang mga kasama nila d……