Lust (SPG)

Disclaimer: This is a work of fiction. Any names, characters, events, businesses, songs, places, and ideas are the product of the author's imagination. Any resemblance to an actual person, living, dead or events are purely coincident. I don't own the photo used on the book cover. It was generated by AI and I just added text according to my taste. All Rights Reserved ⓒ Lust L Series #1 Xianel Vien Montenegro “Xianel, what are you doing?” Mirella asked. Napabuntong hininga naman ako at ipinikit na lang mga mata ko dahil sa sobrang inis. Hindi ko rin kasi alam kung bakit at ano ang nangyari. Kaya imbis na sagutin ang tanong niya ay mas pinili ko na lamang manahimik. “Professor natin siya, Xianel. Alam mong mali ang ginagawa mo,” dagdag pa nito pero inilingan ko lamang siya dahil hindi ko rin talaga maintindihan kung bakit hinahayaan kong mangyari ito. “Ano pa ba ang magagawa ko, Mirella? Nandito na ako. Kung ititigil ko pa, wala rin lang naman magbabago. Bakit hindi ko na lang ituloy?” sambit ko pero padabog niyang ibinagsak ang libro na hawak niya. Mabuti na lamang ay nasa condo ako at wala sa campus. Wala ring makakarinig masyado sa amin dito dahil soundproof naman ang condo ko. “Kapag hindi mo ito itinigil, Xianel, baka malaman pa ito ng lahat. Kaya kung ako sa iyo, itigil mo na habang maaga pa,” banta nito sa akin pero umiling na lamang ako nang paulit-ulit. “Hindi ganoon kadali, Mirella. Hindi ko alam kung bakit hindi ko magawa,” bulong ko. “Xianel naman! May utak ka naman. May bunganga ka rin. Bakit ayaw mong paganahin?” naiinis na tanong niya sa akin. “Kung ikaw nasa posisyon ko, alam kong kakainin mo rin ang sinabi mo. Madali lang naman sabihin kasi iyan pero kasi hindi mo maintindihan, Mirella! Hindi ko alam kung bakit nahihirapan akong —” “Tigilan mo ako sa palusot mo, Xianel! Tapusin mo na iyang gulong pinasok mo bago pa man kumalat sa buong university. Kaysa masira ang image mo at image niya, tapusin mo na!” sigaw niya sa akin. Ramdam ko rin ang gigil niya pero hindi ko talaga kaya. Kung sana ay ganoon lang kadali, matagal ko nang ginawa. “Mirella, puwede namang itago. Bakit kailangan pang tapusin?” naguguluhan kong tanong. “Itago? Hanggang kailan? Hanggang kailan mo balak itago, Xianel?” Mabilis siyang umalis sa harap ko at iniwan akong tulala.