My Heart Failed But Not My Love

Namumukto at namumulang mga mata ni Yveth ang bumungad sa tita Lena niya. Tatlong araw matapos nilang ihatid sa huling himlayan ang ina ni Yveth. Inatake sa puso ang kanyang ina kaya sobrang lungkot ang naramdaman ng kanyang pamilya. Si Yveth ang pangalawang anak sa pamilya nila. Ang panganay naman nitong kapatod na si Dan ay maagang nakapag-asawa, kaya halos si Yveth na din ang tumayong panganay sa kanila. Kakatapos lang ni Yveth sa High School at sobrang malungkot siya dahil wala siyang kakayahan na makapag-aral ng kolehiyo. Sumabay pa ang pagkawala ng kanyang ina habang nangangailangan naman ng pantustos sa palagiang gamot ng kanyang ama. Pinili din niyang tulungan na makapag-patuloy ang bunsong kapatid nitong makapag-aral. Dahil sa sitwasyon ni Yveth wala siyang magawa kundi tanggapin ang oportunidad niya makapag-trabaho sa Oxford City, kung saan nakatira ang tita Lena niya, dalawang hanggang tatlong oras ang byahe mula sa Daegu province. Kailangan niyang lumayo sa tatay niya at bunsong kapatid niya at mamasukan bilang kasamabahay sa isang mayamang pamilya sa Oxford City. Nakalugmok si Yveth sa sahig habang nadidinig ng kanyang tita Lena papasok sa kwarto niya. "Yveth, ano handa ka na ba? desidido ka na ba anak?" wika ni tita Lena. "Opo, tita ready na po ako" maiksing tugon naman ng dalagang si Yveth. ---- Madaling araw ng paluwas na sila Yveth at tita Lena niya patungo sa Oxford City. Nangi-ngilid ang luha at mukto pa rin mga mata ang bumungad sa harapan ni Tita Lena, lumabas nga kwarto niya si Yveth para kausapin ang kanyang ama at kapatid upang mag-paalam. "Tay aalis na po kami ni tita Lena, si Ace po muna makasama nyo dito at ibilin ko na rin po kayo kila tito Abo na tignan tignan kayo habang wala ako." ani ni Yveth sa kanyang ama. Malungkot na mukha ni tatay Gavino ang tumambad at niyakap si Yveth ng mahigpit. "Anak mag-ingat ka dun ah at pasensya ka na sa lahat" madamdamin sambit ng ama ni Yveth sa kanya. "Tay ano ka ba, okay lang po ako wag kayo mag-alala maging okay din po lahat". tugon ni Yveth sa kanyang ama habang pinipigilan niyang humagulhol sa iyak. Ayaw na niyang makitang nalulungkot siya sa harapan ng kanyang ama kaya naman, pinigilan niya sarili niya maiyak at maging malakas siya sa harapan ng kanyang ama. "Ace, wag mo pabayaan pag-aaral mo at huwag kang pasaway kay tatay okay!" sambit ni Lena sa kanyang kapatid na si Ace. "oo naman ate" sagot ni Ace. Makulit na bata si Ace pero responsable siyang bunsong kapatid ni Yveth lalo na sa pag-aaral niya. Ngumiti at nag-paalam na sila Yveth at ang kanyang tita Lena paluwas ng City. "Kuya ay sya aalis na kami ni Yveth at baka ma-traffic pa kami. Mag-ingat kayo dito at yun gamit mo inumin mo. Ako na muna titingin kay Yveth habang nasa Oxford City siya." sambit ni tita Lena sa kanyang kuya Gavino. Nakakatandang kapatid ni tita Lena si tatay Gavino, mas naunang nagka-asawa si tita Lena, habang si tatay Gavino ay napahinto sa pag-aaral para matunungan naman ang kanilang pamilya, kaya ganun na din ang suporta ni tita Lena. "Maraming salamat Lena, kayo ay mag-ingat sa byahe at ikaw muna bahala kay Yveth" tugon ni Tatay Gavino. "Opo kuya, wag ka mag-alala sa kanya", magalang na sambit ni Tita Lena. ---- Inabot na nga ng traffic ang byahe nila Yveth at tita Lena papunta sa Oxford City. Umabot tatlo hanggang apat na oras ang dapat na dalawa hanggang tatlong oras lang na byahe nila. Habang nasa byahe, nakatanaw sa labas ng pinto at malalim ang iniisip ni Yveth habang nakatitig sa kanya ang kang tita Lena. "Yveth, okay ka lang ba?" sambit ni tita Lena habang hinawakan kamay ni Yveth. "Opo Tita, okay lang ako" mahinang sagot ni Yveth habang patuloy na nakatingin sa labas ng bintana. "Hmmm! hayaan mo maging okay din ang lahat, makakaraos at mababago din buhay naten. "Lalo na kayong mag-kapatid ni Ace." "Gamitin mong pampalakas ng loob itong sitwasyon nyo ngayon para mabago at maging maayos", payo ni tita Lena kay Yveth, habang ngumiti siya at hinawakan din ng mahigpit ang kamay ni tita Lena. "Maraming maraming salamat po tita". tugon niya na nakangiti. ---- Nakarating na nga sila sa bahay ni tita Lena niya. Hindi naman unang salta ni Yveth sa Oxford City kung asan nangungunpahan ang kanyang tita Lena. Minsan pag bakasyon niya at may pagkakataon isinasama siya ni tita Lena niya at tumutulong siya sa maliit na tindahan nila. Gusto man suportahan ng kanyang tita Lena si Yveth sa pag-aaral ng kolehiyo, sapat lang din ang kinikita nito para sa kanyang sariling pamilya. Kaya inireto nalang niya si Yveth sa trabaho na nabanggit ng kanyang kaibigan si Selya. May oras pa si Yveth makapagpahinga bago pumunta sa bahay na pagtrabahuhan niya. "Yveth, sige na mag-pahinga ka na para maaga ka makaalis at pumunta sa bahay nila Mr. Cruz, wag ka magpa-late ah., nasulat mo ba yun address na binigay ni mareng Selya?" sambit ni tita Lena. "Opo tita, nahanda ko na din kailangan ko, thank you po" tugon ni Yveth. Maagang gumising at nag-handa di Yveth para sa pag-alis niya. ---- "tita, alis na po ako maraming salamat po ah!", sambit ni Yveth kay tita Lena niya. "Sige anak basta mag-ingat ka doon ah, kung may problema man sabihan mo agad ako" tugon ni tita Lena. "opo tita" tugon ni Yveth habang may ngiti sa kanyang mukha. ---- Bumayahe na si Yveth papuntang bahay nila Mr. at Mrs. Cruz kung saan siya mamasukan. Kabado at nag-buntong hininga si Yveth habang pinindot ang doorbell ng isang malaking bahay. Masasabing napakarangya ang pamumuhay nila Mr. at Mrs.Cruz, may malaking bahay, ilang negosyo at investments. Maya maya lang bumukas ang gate habang bumungad kay Yveth ang isang di naman katandaan lalake. "Hello po, ako po si Yveth, aaamm!" banggit ni Yveth sa lalake na may kaba sabay abot ang ID niya. "Magandang araw po Sir, ako yun mamasukan dito pinapunta po ako ni Mrs. Cruz ngayon araw" saad ni Yveth muli sa lalake. "Ganun ba iha, ako si Rene katiwala din ako dito" tugon ng lalake kay Yveth. "Nag-aalmusal pa sila Madam, saglit lang at abisuhan ko sila na andito ka na, kuya Rene nalang itawag mo saken" saad ng lalake kay Yveth. "Maraming salamat po kuya Rene" tugon naman nito. Habang nakaupo si Yveth sa salas, naririnig niya ang pamilya Cruz na nag-uusap habang marangyang nag-aalmusal. "Mommy need ko po ng new dress ko para sa party" sambit ng pangalawang anak at nag-iisang babae ng pamilya Cruz si Lara. "Okay baby!" tugon ni Mrs. Cruz sa pangalawang anak. "Mom, ako ba pwede magpalit ng cellphone? di ko kasi malaro ng ayos yun games ko." saad naman ng bunsong anak ni Mrs. Cruz na si Raine. "Ok baby, basta ayusin mo sa school mo ah" tugon ni Mrs. Cruz kay Raine. "Yes Mom pero matagal pa pasukan" tugon ni Raine habang nakangiti. "ikaw Justin wala ka bang kailangan, aalis kami di Daddy nyo sa Wednesday out of town for business meeting, pero babalik din kami that day " tanong at saad ni Mrs. Cruz sa panganay niyang anak. Patuloy lang sa pagkain ang panganay na si Justin at walang reaksyon. "Marie, nalabahan at natapos mo ba nga pinagagawa ko sayo dapat bago ka umalis matapos mo yun!?" madiin tanong ni Mrs. Cruz sa paalis niyang kasambahay na si Marie. "Opo Ma'am tapusin ko po" simpleng sagot ni Marie habang may blankong mukha. Matapobreng amo ni Mrs. Cruz at ang nag-iisa nitong anak na babae na si Lara, kaya bukod sa kailangan umuwi na ni Marie sa probinsya para alagaan ang kanyang ama ay gusto na rin niyang makawala sa masungit niyang amo. Palinga-linga at kabado si Yveth habang naririnig ang pag-uusap sa kusina, habang siya ay naghihintay sa paglabas ng kanyang mga amo. ...