The Tears Of A Suffered Husband

Handa nang manggigil sa mga babaeng hindi makontento. ✌️✌️✌️??? Tears of a Suffered Husband Prologue ~Sebastian~ Papunta ako ngayon sa bahay ng kaibigan kong si Jimbo dahil may importanteng ipapakita raw ito sa akin at sasabihin kaya iniwan ko saglit ang mga bata sa kapitbahay, mabuti at pumayag naman si Ate Carmen. "Ate Carmen, saglit lang po ako ha? Babalik po ako agad," paalam ko. "Sige na Baste, mababait naman iyang mga anak mo kaya ayos lang! Sige, lumakad ka na at gabi na." Tumango na lamang ako at umalis. Nang makarating ako kila Jimbo ay kumatok ako nang tatlong beses bago ako nito napagbuksan ng pinto. "Pare ano ba iyon? Importante ba talaga iyang sasabihin mo?" "Halika't pumasok ka muna, maupo ka pare." Naupo naman ako sa sofa at magkatapat na kami ngayon. Wala talaga akong ideya sa sasabihin niya kaya hindi ako mapakali sa sinabi niyang importante. "Pareng Baste, 'wag mo sanang isipin na nangingialam ako sa buhay mo ha? Ang akin lang ay bilang kaibigan mo ay may malasakit ako sa iyo lalong-lalo na sa mga bata na inaanak ko pa," saad nito. Bigla namang bumilis ang kabog ng dibdib ko mukhang masamang balita nga talaga ito sasabihin niya sa akin. Kinuha nito ang kan'yang cellphone at kung may anong ginawa, kasunod noon ay nilapag nito sa harap ko. Napakunot naman ang noo ko kung bakit niya iyon nilagay sa tapat ko. "kunin mo pare, panoorin mo!" May diing sabi nito at tila nagtatagis pa ang mga bagang kaya takang dinampot ko naman ang cellphone upang panuorin nga iyon. "Ahh… Darling, faster please! Ohh…" Magulo ang mahabang buhok ng babae kaya hindi ko makita ang mukha nito. Agad ko naman iyong binitawan at inis na binalingan si Jimbo. "P*ta! Pinapunta mo lang ako dito para diyan sa kalokohan mo! Ul*l ka pare!" Naiiling at inis kong sabi "Ul*l mo! Panuorin mo kasi muna bago ka magsalita diyan! Kunin mo at panoorin mong mabuti!" Dinampot ko namang muli ang cellphone nito at pinagpatuloy nga ang panonood. "I like that, Darling! Suck me more with your f*ck*ng mouth…aahhh…" Halos tumirik na ang mata ng lalaking indiano sa sarap. Nakaluhod babae at patuloy sa pagpapaligaya sa rito. 'Bakit ba kailangan pa nilang mag-video?' Biglang pinatayo ng lalaki ang babae at pinaharap ito bigla sa camera. Nang bumungad sa akin ang mukha ng babae ay tila nawalan ako ng dugo. Nanlamig at nanginig ang buong katawan ko na hindi ko malaman ang gagawin at tila may bumara sa lalamunan ko at hirap akong lumunok. "Ano? Kita mo na? Nakita mo na ang magaling mong asawa?! Kahit na nagsasalita si Jimbo ay tila wala akong marinig. Nanghina ang tuhod ko at wala sa sariling napaupo na lamang akong muli, ni hindi ko na kayang ituloy pa ang panonood. "Ano pareng baste? Magsalita ka naman! Tang**a! Iniiputan ka sa ulo ng babaeng 'yon! Ang kapal ng mukha at hindi man lang inisip ang mga anak nin'yo!" "Pare saan mo nakuha iyan?" Ang mahina't kalmado kong tanong habang pinoproseso sa utak ko ang nangyari't napanood. 'Paano mo nagawa sa akin ito Tanya? Bakit mo ginawa sa amin ito ng mga anak mo!' galit na bulong ko sa isipan. "Pare 'wag kang mag-alala! Tutulungan kitang magsampa ng reklamo diyan sa hitad mong asawa! Pasensya ka na kung masaktan ka man sa sinasabi ko tungkol kay Tanya pero hindi na kasi tama! Lalapit tayo kay Sir Ralph Dimagiba. Marami nang natulungan iyon kaya panigiradong tutulungan ka rin." Naglalakad akong pabalik sa mga anak ko nang mabigat ang dibdib, gusto kong sumigaw nang malakas kung hindi lang nakakahiya sa mga tao. Naawa ako sa tatlong anak namin ni Tanya, walang kamuwang-muwang sa pinaggagawa ng kanilang ina sa ibang bansa.