Academy of Witchcraft and Wizardry Book 4: The Prophecy

Hindi akalain ng magkaibigan na magbabago ang kanilang buhay sa pag pagpasok nila sa ibang mundo. Ang nakasanayan nilang normal at mapayapang pamumuhay ay kabaligtaran ng kanilang sinapit. Sa unang pagpasok nila sa Academy, magkahiwalay na tinahak nila Jacob at Oceane ang kani-kanilang mga Section, kung saan pinili at inayos ang mga mag-aaral base sa kanilang mga kakayahan. At dahil hindi sanay na magkahiwalay ang magkaibigan, nahirapan mag- adjust si Oceane. Hindi madali para sa kanya ang makihalubilo sa mga taong hindi naman niya kilala. Kabaligtaran naman kay Jacob na mabilis nagkaroon ng mga bagong kaibigan at kakilala. Isang gwapong binata ang naglakas ng loob na lapitan at makipagkaibigan kay Oceane. Isang pureblood, si Zaiden Alfiro. Dahil mabait ito at palaging naka-alalay sa kanya, mabilis nitong nakuha ang loob ng dalaga. Ngunit hindi pa natatapos ang isang buwanmula ng pumasok sila sa Academy, isang balita na ang kumalat sa buong Wizarding World, ang pag atake ng mga bampira sa mundo kung saan nagmula sina Oceane at Jacob. Bukod pa dyan, nalaman rin nila Headmistress Alyora ang tungkol sa pagpasok ng batang bampira sa silid ni Oceane mula ng gabing pumasok ang dalaga sa Academy. Hindi rin inaasahan na may ibang pakay pala si Zaiden Alfiro kaya sumama ito kay Oceane palabras ng Academy, pagtawid sa mundo ng mga tao, tinatawag nilang taga-lupa. Dahil sa pangyayari, nagsimulang manganib ang buhay ni Oceane, at makumpirma ni Valkoor Alfiro na buhay ang babaeng matagal na niyang hinahanap. Bagaman, kinakailangan, umiwas si Zaiden sa paglapit sa dalaga, ngunit sumusuway din siya sa utos sa tuwing magkakaroon siya ng pagkakataong makasama si Oceane. Isang malagim na trahedya ang sinapit ni Jacob, sa gabi ng kaarawan ni Oceane. Nagulat ang lahat sa biglaang paglabas ng mga Soul Eater. Nagluksa ang buong Academy dahil sa pangyayari. Lumabas na rin sa pinagtataguan si Nazar para maprotektahan ang kanyang anak. Patuloy naman sa pagbabantay si Castor sa dalaga, bilang pagsunod sa utos ng kanyang kinalakihang Ama. Mabigat na desisyon ang kinailangang gawin ni Zaiden kapalit ng kaligtasan nilang pamilya. Ang pangako ng kanyang Ama ang siya niyang pinanghahawakan para masigurong ligtas ang babaeng lihim na iniibig. Ngunit, kapahamakan ang kanyang idinulot sa lahat. Nakipag tuos siya sa batang bampira kahit pa muntik na siyang mamatay, ngunit dahil sa pagmamahal ng isang ina sa kanyang anak, nagkaroon ng pangalawang buhay si Zaiden na itama ang kanyang pagkakamali. At gaya ng ibang katapusan sa kwento, nawala ang lahat kay Zaiden Alfiro.